ԱՄՆ-ի ռազմածովային ուժերն ստացել են աշխարհում ամենաթանկ ռազմական ավիակիրը
Նավաշինարարներն ԱՄՆ-ի ռազմածովային ուժերին են հանձնել Gerald R. Ford ավիակիրը: Այդ մասին ասված է ամերիկյան նավատորմի հայտարարության մեջ: Նշվում է, որ նավի ընդունման փորձարկումները կայացել են մայիսի 26-ին:
Սպասվում է, որ ավիակիրը լիամասշտաբ շահագործման պատրաստ կլինի սոսկ 2020 թվականին՝ մինչ այդ ժամանակը կատարելով մի քանի ելք դեպի ծով՝ մարտական եւ ինժեներական համակարգերի «փորձավարման» համար:
Շուրջ 13 միլիարդ դոլար արժողությամբ USS Gerald R. Ford ավիակիրը համարվում է ամենաթանկ ռազմանավն աշխարհում: Ըստ որում նոր ավիակրի անձնակազմն ավելի փոքրաթիվ կլինի, քան Nimitz դասի նավերում (մոտավորապես 4539 մարդ 5,2 հազար 5 հազարի դիմաց): Դրա օդանավարաններում կարող են տեղավորվել ավելի քան 75 թռչող ապարատներ, հաղորդել է ՌԻԱ Նովոստին:
Լուսանկարը` AP
