Քաղաքացին ընկել է Ախուրյան գետը
Փետրվարի 22-ին, ժամը 19.35-ին ահազանգ է ստացվել, որ քաղաքացին անզգուշության հետևանքով ընկել է Ախուրյան գետը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ. Վ.-ը գետից դուրս է բերվել տեղի ուժերով, վերջինս ցրտահարվել է. անհրաժեշտ է հոսպիտալացում:
Փրկարարները 1951 թ. ծնված Մ.Վ.-ին տեղափոխել են Ամասիայի բժշկական կենտրոն, որտեղ բժիշկները տուժածի առողջական վիճակը գնահատել են բավարար:
