Պուտինի նկարով շապիկի համար Տարասովը կպատժվի
Եվրոպայի լիգայի 1/16-րդ եզրափակչում մրցեցին ռուսական «Լոկոմոտիվը» և թուրքական «Ֆեներբախչեն»: Թուրքական ակումբի ֆուտբոլիստ Ժոզեֆ Սոուզայի խփած երկու գոլերը ձևակերպեցին առաջին խաղի վերջնահաշիվը:
Հանդիպման վերջում ռուսական ակումբի ֆուտբոլիստ Դմիտրի Տարասովը հանեց մարզաշապիկը, որի ներքո կար ևս մեկ շապիկ՝ ՌԴ նախագահ Վլադիմիր Պուտինի նկարով:
ՈՒԵՖԱ-ն սկսել է այս գործով քննությունը: Տարասովին մեղադրում են հանդիպումից հետո իրեն անպարկեշտ պահելու մեջ:
«Խաղացողները չպետք է ցուցադրեն հագուստի այն մասերը, որոնց վրա ցուցադրված են քաղաքական, կրոնական, անձնական հայտարարություններ, այդ թվում լոգոտիպեր և պատկերներ,- ասված է ՈՒԵՖԱ-ի հայտարարության մեջ:
Գործը կքննվի մարտի 17-ին:
Ինքը Տարասովը նշում է, որ իր քայլի մեջ չկա ոչ մի դիտավորություն:
Սիրարփի Աղաբաբյան
