Թայվանում երկրաշարժի զոհերի թիվը հասել է 67-ի
Թայվան կղզում երկրաշարժի զոհերի թիվը հասել է 67-ի, հայտնում է «Սինհուա» գործակալությունը:
Ավելի վաղ հաղորդվում էր 62 զոհի մասին: Երկրաշարժի հետևանքով վնասվածքներ է ստացել 559 մարդ, որոնում են ավելի քան 60 մարդու: 65 մարդու մարմին է հայտնաբերվել փրկարարների կողմից Տայնան քաղաքի 17 հարկանի շենքի փլատակների տակ:
Թայվանի դատախազությունը կալանավորել է Golden Dragon Building-ի ներկայացուցիչներին, որոնք փլուզված շենքի կառուցողներն են եղել:
Ինչպես հայտնել են Թայնանի իշխանությունները, ընկերության ներկայացուցիչները կալանավորվել են անզգուշաբար մահ հասցնելու կասկածանքով:
