Արմեն Ջիգարխանյանը սրտի լուրջ խնդիրներով տեղափոխվել է հիվանդանոց
ԽՍՀՄ ժողովրդական արտիստ Արմեն Ջիգարխանյանը տեղափոխվել է հիվանդանոց` սրտի հետ կապված խնդիրների պատճառով: Նրան մոսկովյան հիվանդանոցներից մեկն է տարել կինը:
Բժիշկները Ջիգարխանյանին տեղափոխել են ինտենսիվ թերապիայի բաժանմունք և հետազոտություն են իրականացրել: Բժիշկները նրա վիճակը գնահատում են միջին ծանրության, հաղորդում է LifeNews-ը: Ըստ աղբյուրի, 80-ամյա դերասանը ունի սրտի իշեմիկ հիվանդություն, որի ֆոնին ձևավորվել է անկայուն ստենոկարդիա:
Մինչդեռ Մոսկվայի դրամատիկական թատրոնի մամուլի քարտուղար Նատալյա Կորնեևան հերքել է այդ տվյալները.
«Նա գրիպով պառկած է տանը, ունի ջերմություն, ոչ մի հոսպիտալացում չի եղել»,- ասել է նա ТАСС գործակալությանը:
