«Արսենալի» տրանսֆերային թիրախը Սթարիջն է
«Լիվերպուլի» հարձակվող Դանիել Սթարիջը կարիերան կարող է շարունակել Լոնդոնի «Արսենալի» կազմում: Նման ցանկություն են հայտնել լոնդոնցիները:
«Զինագործները» առաջարկ են պատրաստում, որով կդիմեն «Լիվերպուլին»:
Սթարիջի տեղափոխությունը համարվում է հավանական, քանի որ վերջին շրջանում լիվերպուլցիների գլխավոր մարզիչ Յուրգեն Կլոպը պարբերաբար դժգոհում է Սթարիջի խաղից:
Լոնդոնյան ակումբը պատրաստ է վճարել Սթարիջի հրաժարագինը, որը կազմում է 25 միլիոն ֆունտ ստերլինգ:
Սթարիջը անգլիական Պրեմիեր լիգայում այս տարի մասնակցել է 5 խաղի և խփել է 2 գնդակ:
Սիրարփի Աղաբաբյան
