Եվրոպայում անհետացել են 10 հազար միգրանտ երեխաներ
Ավելի քան 10 հազար միգրանտ երեխաներ անհետացել են Եվրոպա ժամանելուն պես, հաղորդում է Եվրոպոլը (Europol):
Ըստ Եվրոպոլի ներկայացուցիչների, երեխաները և դեռահասները անհետացել են այն բանից հետո, ինչ գրանցվել են երկրի իշխանությունների կողմից:
Եվրոպացի ոստիկանները կարծում են, որ նրանցից ոմանք կարող էին դառնալ սեռական շահագործման զոհ, կամ տեղական հանցավոր խմբավորումները ստիպել են նրանց կատարել ստրկական աշխատանք:
Ըստ միջազգային բարեգործական «Save the Children» կազմակերպության տվյալների, անցյալ տարի Եվրոպա են ժամանել 26 հազար երեխաներ և դեռահասներ` առանց մեծերի հսկողության:
Եվրոպոլն առաջին անգամ հաղորդում է անհետացած երեխաների թիվը:
