«Մանչեսթեր Սիթին» հաստատել է Պեպ Գվարդիոլայի հետ պայմանագրի ստորագրման մասին լուրը
Իսպանացու հետ պայմանագիրը նախատեսված է 3 տարվա համար:
«Մանչեսթեր Սիթին» հաստատում է, որ վերջին շաբաթվա ընթացքում ակումբը լուծել է Պեպ Գվարդիոլայի հետ կապված բոլոր հարցերը: Իսպանացի մասնագետը կգլխավորի անգլիական ակումբը 2016-17թթ. մրցաշրջանից:
Մանուել Պելեգրինիի և ֆուտբոլիստների նկատմամբ հարգանքից ելնելով` ակումբը ցանկանում է հրապարակայնորեն հայտարարել որոշման մասին` լարվածությունը ցրելու համար:
Մանուել Պելեգրինին աջակցում է այս տեղեկությունը հրապարակելու որոշմանը: Նա հիմա կենտրոնացած է այս մրցաշրջանում ակումբի առջև դրված բոլոր նպատակների իրականցման վրա: Մանուելը պահպանում է ակումբի բոլոր ղեկավարների հարգանքն ու աջակցությունը, նշվում է «Մանչեսթեր Սիթիի» հայտարարության մեջ:
Պատրաստեց Անի Գաբուզյանը
