Բակո Սահակյանը հանդիպել է «Այբ» դպրոցի հոգաբարձուների խորհրդի նախագահ Մեսրոպ քահանա Արամյանի հետ
Արցախի Հանրապետության Նախագահ Բակո Սահակյանը փետրվարի 1-ին ընդունել է ՀՀ Նախագահի խորհրդական, «Այբ» դպրոցի հոգաբարձուների խորհրդի նախագահ Մեսրոպ քահանա Արամյանին եւ նրա գլխավորած պատվիրակությանը:
Հանդիպմանը, որին մասնակցում էր կրթության, գիտության և սպորտի նախարար Սլավա Ասրյանը, արծարծվել են Արցախում ժամանակակից պահանջներին համապատասխան կրթության զարգացման հետ կապված մի շարք հարցեր:
Նախագահ Սահակյանն այս համատեքստում կարևորել է «Այբ» կրթական հիմնադրամի գործունեությունը և նրա հետ կապերի շարունակական ընդլայնման ու խորացման անհրաժեշտությունը:
