«Աստված ձեզ հետ և մեր բոլորի հետ։ Լավ եղեք». Հովիկ Աբրահամյան
2016թ. հունվարի 8-ն աշխատանքային օր է։ Այս մասին այսօր ՀՀ կառավարության նիստի ընթացքում ասաց ՀՀ վարչապետ Հովիկ Աբրահամյանը։ Նա նշեց, որ կառավարության կողմից որևէ փոփոխություն չի արվել, նույնիսկ հունվարի 4-ին որոշ նախարարների, գերատեսչությունների ղեկավարների հետ աշխատելու են, քննարկումներ են անցկացնելու 2016թ. ծրագրերի հետ կապված. «Օգտվելով առիթից՝ պարոն Շաբոյանին ուզում եմ դիմել և հորդորել, որ այս տոնական օրերին հետևեն շուկայի գներին, որպեսզի որևէ ոտնձգություն չլինի մեր քաղաքացիների նկատմամբ»։
Վարչապետը շնորհավորեց գալիք Ամանորն ու Սուրբ ծնունդը, ցանկացավ առողջություն, հաջողություն և խաղաղություն. «Աստված ձեզ հետ և մեր բոլորի հետ։ Լավ եղեք»։
