Թուրքիայի քրդերն ինքնավարություն են պահանջում. Reuters
Թուրքիայի քրդերը հռչակագիր են ընդունել, որը կոչ է անում թուրքական իշխանություններին իրենց ինքնավարություն տրամադրել, հայտնում է Reuters-ը:
Նշվում է, որ փաստաթուղթը ընդունվել է Քրդերի Ժողովրդա-դեմոկրատական կոնգրեսի երկօրյա նիստի արդյունքում:
Մասնավորապես, հռչակագիրը կոչ է անում ստեղծել քրդական ինքնավար շրջաններ, որոնք կներառեին Դիարբեքիրին կից հարևան մի քանի նահանգները՝ հաշվի առնելով դրանց մշակութային, տնտեսական ու աշխարհագրական նմանությունները:
«Արդարացի դիմակայությունը, որը ցուցաբերում է մեր ժողովուրդը քրդերի խնդիրները սրող քաղաքականությանը, հանդիսանում է պահանջ ու պայքար տեղի ինքնակառավարման ու տեղային ժողովրդավարության համար»,- ասվում է փաստաթղթում:
Միաժամանակ, որոշ փորձագետներ կարծում են, որ այդ հայտարարությունը կարող է միայն ուժեղացնել լարվածությունը քրդերի ու Թուրքիայի իշխանությունների միջև, որը կտրականապես դեմ է քրդերի անկախությանը:
