Նորից սկանդալ՝ Նեյմարի տրանսֆերի շուրջ
Marca-ն տեղեկանում է, որ «Սանթոսի» ղեկավարությունը պաշտոնական հայտարարությամբ է հանդես եկել, որտեղ խոսվում է Նեյմարի տրանսֆերի պայմանագրում առկա կետերից մեկի համաձայն՝ հավելավճար վճարելու «Բարսելոնայի» մերժման մասին:
Կապտանռնագույնները պետք է 2 միլիոն եվրո վճարեն բրազիլական ակումբին Նեյմարի` Ոսկե գնդակի վերջնական 3 թեկնածուների թվում հայտնվելու համար:
Դեռևս անցյալ շաբաթ «Բարսելոնան» հայտարարել է, որ նամակ է ուղարկել բրազիլական կողմին, որը, սակայն, հայտնվել է մամուլում: Նամակում կատալոնացիները հայտնել են, որ չեն վճարելու հավելավճարը, քանի դեռ երկու ակումբների միջև վեճ է ընթանում Նեյմարի տրանսֆերային գնի կապակցությամբ:
Հնարավոր է՝ բրազիլական ակումբն այս հարցի շուրջ դիմի ՖԻՖԱ-ին:
Սիրարփի Աղաբաբյան
