«Յուվենթուսը» պատրաստ է Դորտմունդի «Բորուսիային» վճարել 30մլն եվրո Գյունդոգանի համար
«Յուվենթուսը» պատրաստ է վճարել «Բորուսիային» 30 միլիոն եվրո` կիսապաշտպան Իլկայ Գյունդոգանի տեղափոխման համար, հաղորդում է La Gazzetta dello Sport-ը:
Այնուամենայնիվ, ձմեռային տրանսֆերային պատուհանի ժամանակ գործարքը չի կայանա, քանի որ «Բորուսիան» մտադրություն չունի բաժանվել 25-ամյա կիսապաշտպանից:
Սակայն հաղորդվում է, որ իտալական ակումբը կվերադառնա այս հարցին հունիսին:
Ընթացիկ մրցաշրջանում Գյունդոգանը Գերմանիայի առաջնությունում խաղացել է 17 հանդիպումներում և աչքի է ընկել 1 գոլային փոխանցմամբ:
Պատրաստեց Անի Գաբուզյանը
