2016թ. Ռուսաստանն Ադրբեջանին կմատակարարի հետևակի մարտական մեքենաների ու սպառազինությունների հերթական խմբաքանակը
Ինչպես հայտարարել է Тракторные заводы կոնցեռնի ներկայացուցիչը, ռուսական BMP-3 հետևակի մարտական մեքենաների մատակարարումները Ադրբեջանին կավարտվեն 2016 թվականին: Հենց այս կոնցեռնն է արտադրում մարտական մեքենաները, տեղեկացնում է TASS-ը:
«Ադրբեջանին մարտական մեքենաների մատակարարումները նախատեսվում է ավարտել 2016 թվականին»,- ասել է նա:
Ավելի վաղ BMP-3 հետևակի մարտական մեքենաների մատակարարումների ժամկետների մասին հայտարարել էր ռազմատեխնիկական համագործակցության ոլորտում աղբյուրը:
Ադրբեջանն ու Ռուսաստանը զենքի խոշոր խմբաքանակի մատակարարումների մասին պայմանավորվել են 2010 թվականին:
Ավելի վաղ «Ռոսոբորոնէքսպորտը» հայտնել էր, որ 2017 թվականին Ռուսաստանը կավարտի համաձայնագրով նախատեսված սպառազինության ու տեխնիկայի խոշոր խմբաքանակի մատակարարումը։
ԶԼՄ-ների տեղեկություններով՝ բացի հետևակի մարտական մեքենաներից, Ադրբեջանին մատակարարվելու են նաև Т-90С տանկեր, ինքնագնաց հրետանի, համազարկի կրակի ռեակտիվ համակարգեր, ծանր կրականետ համակարգեր:
Բացի այդ՝ Ադրբեջանը տանկերի հետ միասին պետք է ստանա ինժեներական ու վերանորոգման-տարհանման մեքենաներ:
Փորձագետները պայմանագրի փաթեթի արժեքը գնահատում են մինչև 1 միլիարդ դոլար:
