Աննախադեպ ջրհեղեղ Հարավային Ամերիկայում. տասնյակ հազարավոր մարդիկ լքել են իրենց տները
Ավելի քան 150 հազար մարդ է լքել իր տունը Հարավային Ամերիկայի հարավային մազում երրորդ օրը շարունակվող ջրհեղեղի պատճառով: Նման բան տարածաշրջանում չի դիտվել տասնյակ տարիներ, գրում է BBC-ն:
Աղետից առավել շատ տուժել է Պարագվայը: Երկրի նախագահՕրասիո Կորտեսը արտակարգ դրություն է սահմանել երկրում: Պարագվայ գետում ջրի մակարդակը գրեթե մոտեցել է կրիտիկականին, ու ջրի նոր հոսքը սպառնում է ջրածածկ անել երկրի մայրաքաղաք Ասունսյոնն ու հարակից շրջանները:
Պարագվայի իշխանությունները ենթադրում են, որ, հնարավոր է, իրենք ստիպված լինեն տարհանել գետի ափի մերձակայքում ապրողներին, այսինքն՝ ևս տասնյակ հազարավոր մարդկանց:
Տրոպիկական աննախադեպ անձրևների պատճառով բարձրացել է նաև Ուրուգվայի, Արգենտինայի ու Բրազիլիայի գետերի մեծ մասի մակարդակը: Արգենտինայի հյուսիսում տարհանվել է գրեթե 20 հազար մարդ: Բրազիլիայում 1800 ընտանիք ստիպված է եղել լքել իր տունը:
