«Boxing day-ը և գավաթների առատությունը խանգարում են անգլիացիներին հաղթել». Յուրգեն Կլոպ
Գերմանացի մասնագետը համալրել է անգլիական ֆուտբոլի ներքին օրացույցի հակառակորդների շարքը:
«Դուք հաստատ չափից շատ խաղեր ունեք: Ընդմիջում չկա, և շատ մրցաշարեր կան: Կարծում եմ՝ բոլորը հասկանում են, որ դա այն ճանապարհը չէ, որը հաջողության է հասցնում:
Բոլորը հույս ունեն, որ Ռոյ Հոջսոնը հավաքականին Չեմպիոն կդարձնի, և այդ թիմում շատ լավ ֆուտբոլիստներ կան: Բայց նրանք ամբողջ տարվա ընթացքում չունեն ոչ մի ընդմիջում: Մնացած բոլորն ունեն: Նման պայմաններում կարելի է հաղթել: Բայց դա շատ ավելի դժվար է լինում:
Պատճառներ կան, թե ինչու անգլիական մեծ ակումբները հաջողության չեն հասնում վերջին մի քանի տարիներին: Ձեզ մոտ չափից շատ են ներքին մրցաշարերը»,- Կլոպին է ցիտում ВВС-ն:
Պատրաստեց Անի Գաբուզյանը
