«Այդ անձը, ով որ գնել է այդ տարածք՝ չկա, անհայտ կորել է». ճարտարապետ
Այսօր լրագրողների հետ հանդիպման ժամանակ ճարտարապետ Սաշուր Քալաշյանը` խոսելով Կարեն Դեմիրճյանի անվան Մարզահամերգային համալիրի վաճառքի և Ծիծեռնակաբերդի հարակից տարածքը կառուցապատողին հանձնելու կառավարության որոշման մասին, ասաց. «Սա ուղղակի հանրությանը արհամարելու միջոց է: Չէր կարելի այդպիսի որոշում կայացնել, առանց հանրային քննարկումների: Այդ անձը, ով որ գնել է այդ տարածք՝ չկա, անհայտ կորել է: Նրա անունով հիմնարկություն գոյություն չունի, դեռ ավելին՝ պարզվում է՝ այդ անձնավորությունը մեկ տարի առաջ գտնվել է հետախուզման մեջ: Հիմա փնտրում են, թե ո՞վ է ստորագրել առուվաճառքի պայմանագիրը»:
