Եմենը բալիստիկ հրթիռ է արձակել Սաուդյան Արաբիայի ուղղությամբ
Սաուդյան Արաբիայի հակահրթիռային պաշտպանությանը հաջողվել է դեկտեմբերի 21-ին շեղել Ջիզան նահանգի ուղղությամբ ընթացող բալիստիկ հրթիռի ուղղությունը, հայտնում է Reuters-ը՝ հղում կատարելով տեղի ԶԼՄ-ներին:
Եմենի բանակում հուսիթների դաշնակիցների տեղեկություններով՝ հրթիռի նպատակը եղել է թագավորության հարավային մասում գտնվող նավթարդյունահանող ենթակառուցվածքները:
Ինչպես հայտնել է Սաուդյան Արաբիայի SPA լրատվական գործակալությունը, Սաուդյան Արաբիայի գլխավորած կոալիցիայի մամլո քարտուղարը հայտարարել է, որ հրթիռն ուղղված է եղել Ջիզան քաղաքի կողմը:
