Վահան Շիրխանյանին մեղադրանք է առաջադրվել. նրան բերել են դատարան
ՀՀ ՊՆ նախարարի նախկին տեղակալ Վահան Շիրխանյանին մեղադրանք է առաջադրվել։ 168.am-ի հետ զրույցում նրա պաշտպան Տիգրան Տեր-Եսայանն ասաց, որ նրան մեղադրանք է առաջադրվել ՀՀ քրեական օրենսգրքի 223-րդ հոդվածի 2-րդ մասով։ Նրան այս պահին բերել են դատարան: Դատարանը կքննի նրան կալանավորելու վերաբերյալ միջնորդությունը։
Նշենք, որ Հայաստանի Հանրապետության ազգային անվտանգության ծառայությունում քննվող քրեական գործով, ՀՀ քրեական դատավարության օրենսգրքի 129-րդ հոդվածով սահմանված կարգով, 19.12.2015թ. ձերբակալվել էր ՀՀ պաշտպանության նախարարի նախկին տեղակալ Վահան Գրիգորի Շիրխանյանը, որը կասկածվում է` Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն և դերակատարություն ունենալու մեջ, նախատեսված` ՀՀ քրեական օրենսգրքի 223-րդ հոդվածի 2-րդ մասով:
