Մեդվեդևը հաստատել է Ուկրաինայի դեմ մթերային էմբարգոն
Ռդ վարչապետ Դմիտրի Մեդվեդևը ստորագրել է հրաման, որի համաձայն՝ Ուկրաինան ներառվելու է այն երկրների ցանկում, որոնց նկատմամբ գործում է մթերային էմբարգո:
Ուկրաինական ապրանքների նկատմամբ էմբարգոն սկսելու է գործել 2016 թվականի հունվարի 1-ից:
Ռուսաստանի վարչապետը հայտնել է նաև, որ 2016 թվականի հունվարի 1-ից Ուկրաինայի հետ հարաբերություններում չի գործելու ազատ առևտրի գոտու մասին պայմանագիրը:
Ուկրաինայի վարչապետ Արսենի Յացենյուկը ռուսական էմբարգոյից ապագա վնասները գնահատել է 600 միլիոն դոլարի սահմաններում:
Ավելի վաղ Ռուսաստանի նախագահ Վլադիմիր Պուտինը հրաման էր ստորագրել 2016թ. հունվարի 1-ից կասեցնել Ուկրաինայի նկատմամբ ազատ առևտրի գոտու մասին համաձայնագիրը:
