Պատկերացնում եմ, թե ինչքան ուժեղ կարող է լինել «Լիվերպուլը». Յուրգեն Կլոպ
«Լիվերպուլի» գլխավոր մարզիչ Յուրգեն Կլոպն «Ուոտֆորդից» կրած պարտությունից հետո (0:3) իր կարծիքն է հայտնել թիմի ոչ ստաբիլ խաղի պատճառների մասին:
«Մանչեսթեր Սիթիի» և «Սաութհեմփթոնի» նկատմամբ տարած մեր հաղթանակներից բոլորը մտածեցին. «Վա՛ու»: Եվ դա մեդալի մի կողմն էր: Հիմա բոլորը տեսնում են բացարձակ այլ բան: Հավանաբար ճշմարտությունը մեջտեղում է, բայց ես պատկերացնում եմ, թե ինչքան ուժեղ կարող է լինել մեր թիմը: Իհարկե, մենք հիմա շոկի մեջ ենք: Մենք եկել էինք «Ուոտֆորդի» հետ հանդիպման բացարձակ ուրիշ խաղ ցուցադրելու համար: Մենք մինչև մյուս հանդիպումը մի քանի օր ունենք, որպեսզի աշխատենք և ուղղենք սխալները:
Բոլորը կարողանում են հաղթել, երբ խաղը հեշտ է տրվում: Հիմա պետք է սովորել հաղթել դժվար հանդիպումներում»,- ասել է Կլոպը:
Պատրաստեց Անի Գաբուզյանը
