Չինաստանում սողանքի հետևանքով անհետ կորածների թիվը հասել է 91-ի
Չինաստանի հարավային Գուանդուն նահանգում սողանքի հետևանքով անհետ կորածների թիվը հասել է 91-ի, հայտնում է երկրի կենտրոնական հեռուստատեսությունը:
Սողանքը տեղի է ունեցել Շենչժենյա քաղաքի արդյունաբերական գոտում կիրակի՝ տեղի ժամանակով ժ. 11:40-ին (Երևանի ժամանակով ժ. 07:40-ին):
Տեղի ԶԼՄ-ների տեղեկություններով՝ դեպքի վայրում շարունակվում են որոնողական աշխատանքները, որոնք դժվարանում են եղանակային անբարենպաստ պայմանների հետևանքով:
ԶԼՄ-ների տեղեկություններով՝ փրկարարներին հաջողվել է փլատակների տակից դուրս բերել 7 մարդու, ովքեր ստացել են թեթև վնասվածքներ:
Հնարավոր զոհերի մասին տեղեկություններ դեռ չկան:
Սողանքի տակ է մնացել 22 կառույց, ներառյալ՝ 2 հանրակացարան բանվորների համար, ընդհանուր տուժել է 33 տուն:
