Կարլո Անչելոտին պայմանավորվածություն ունի «Բավարիայի» հետ
Իտալացին կփոխարինի Պեպ Գվարդիոլային, ով, ամենայն հավանականությամբ, կհեռանա Մյունհենից մրցաշրջանի ավարտից հետո:
Շաբաթվա վերջում Գվարդիոլան կհայտարարի իր ապագայի մասին, բայց Marca-ն պնդում է, որ իսպանացին կհեռանա թիմից մրցաշրջանի ավարտից հետո: «Բավարիայի» ղեկավարությունն արդեն սկսել է զբաղվել նոր մարզիչ փնտրելով, և, ըստ The Telegraph-ի տեղեկության՝ բանակցություններ է վարել Կարլո Անչելոտիի հետ: Իտալացի մարզիչը մյունհենցիներին տվել է ակումբում աշխատելու ոչ պաշտոնական համաձայնություն:
Գվարդիոլան աշխատում է «Բավարիայում» 2013թ.-ից, որի ընթացքում 2 անգամ դարձել է Գերմանիայի չեմպիոն:
Անչելոտիի վերջին ակումբը եղել «Ռեալը», որի հետ նա հաղթել է Չեմպիոնների լիգան:
Պատրաստեց Անի Գաբուզյանը
