Զինեդին Զիդանը պատրաստ է «Ռեալի» մարզչի պաշտոնում փոխարինել Ռաֆա Բենիտեսին
Ֆրանսիացի մարզիչն արդեն չի վախենում պատասխանատվությունից: Նոյեմբերին արդեն շշուկներ կային, որ Զիդանը կարող է փոխարինել Բենիտեսին, բայց ֆրանսիացին ինքը հերքեց այդ ինֆորմացիան՝ նշելով, որ դեռ պատրաստ չէ «Ռեալում» աշխատելու համար: Մադրիդյան ակումբի վերջին անհաջողություններից հետո լրագրողները նորից անդրադարձել են Զիդանի մասին լուրերին, բայց հիմա Marca-ի և AS-ի ինֆորմացիայի համաձայն՝ ֆրանսիացին արդեն չի վախենում պատասխանատվությունից:
Եթե Բենիտեսը հեռացվի ակումբից, ապա «Ռեալի» հաջորդ գլխավոր մարզիչը կդառնա Զիդանը: Եթե ավելի վաղ Ֆլորենտինո Պերեսն աջակցում էր Ռաֆային, ապա հիմա «Ռեալի» նախագահը դժգոհ է մարզչից:
«Ռեալի» Իսպանիայի առաջնությունում գրավում է 3-րդ տեղը` հետ մնալով «Բարսելոնայից» և «Ատլետիկոյից» 5 միավորով:
2014թ.-ից Զիդանը «Կաստիլիայի» գլխավոր մարզիչն է:
Պատրաստեց Անի Գաբուզյանը
