Մարգարեթ Թետչերի անձնական իրերն աճուրդում վաճառվել են 5 մլն դոլարով
Լոնդոնի Christies աճուրդի տունը աճուրդի է հանել Անգլիայի նախկին վարչապետ Մարգարեթ Թետչերի անձնական իրերը: Կազմակերպիչներին մի քանի ժամում հաջողվել է ստանալ գրեթե 5 մլն դոլար, հայտնում է LifeNews-ը:
Ամենաթանկ լոտ է դարձել Երկաթյա լեդիի լեգենդար կարմիր նախարարական «ճամպրուկը»: Պորտֆելը վաճառվել է 366 հազար դոլարով՝ նախնական 7,5 հազար դոլար արժեքի դիմաց: Գնորդը նախընտրել է անհայտ մնալ:
Մարգարեթ Թետչերին պատկանող մուգ կապույտ թավշյա հարսանեկան զգեստը վաճառվել է գրեթե 38 հազար ֆունտ սթեռլինգով: Գնորդի անունը նույնպես հայտնի չէ:
