Անգլիայի առաջնությունն ավելի կարևոր եմ համարում, քան Չեմպիոնների լիգան. Մանուել Պելլեգրինին
«Մանչեսթեր Սիթիի» գլխավոր մարզիչ Մանուել Պելլեգրինին նշել է, որ Անգլիայի առաջնությունում հաղթելը համարվում է առաջնահերթ խնդիր իր թիմի համար:
«Համարում եմ Անգլիայի առաջնությունն ավելի կարևոր Չեմպիոնների լիգայից: Եվրագավաթներում դու կարող ես ձախողել մեկ հանդիպում և դուրս թռնել, հետո ոչ ոք չի էլ հիշի, թե ինչպես էր թիմդ խաղում մինչև այդ: Իսկ այ, Պրեմիեր լիգայում դու աշխատում ես ամբողջ տարին:
Չեմ ուզում ասել, որ Չեմպիոնների լիգան կարևոր չէ մեզ համար: Կարևոր է: Դա հեղինակավոր մրցաշար է, որտեղ բոլորը ցանկանում են հաղթել: Ուղղակի դա չպետք է լինի կպչուն միտք և խանգարի թիմին նորմալ մրցաշրջան անցկացնել առաջնությունում»,- Պելլեգրինիի խոսքերն է ցիտում ESPN FC-ը:
Պատրաստեց Անի Գաբուզյանը
