Ընդդիմությունը արցունքաբեր գազ է կիրառել Կոսովոյի խորհրդարանում
Ընդդիմադիր պատգամավորները Կոսովոյի խորհրդարանի նիստի ժամանակ արցունքաբեր գազ են օգտագործել, հայտնում է Associated Press-ը:
Դա դարձել է կառավարության վրա ճնշում գործադրելու հերթական փորձը, որպեսզի վերջինս չեղյալ հայտարարի Սերբիայի ու Չեռնոգորիայի հետ համաձայնագիրը, որը երաշխավորում է սերբ փոքրամասնության իրավունքը:
Խորհրդարանում լցված թունավոր գազը ստիպել է պատգամավորներին լքել սրահը, որտեղ տեղի էին ունենում քննարկումները:
Կոսովոյի ԶԼՄ-ները հայտնում են, որ խորհրդարանի նիստը կարող է վերսկսվել ավելի ուշ, սակայն այլ շենքում:
