Օրեգոնում գնացքի ու բեռնատարի բախվելու հետևանքով խոշոր հրդեհ է բռնկվել
Խոշոր հրդեհ է բռնկվել ԱՄՆ Օրեգոն նահանգի Պորտլենդ քաղաքի հյուսիս-արևմուտքում գնացքի ու բեռնատարի բախվելու հետևանքով, հայտնում է LifeNews-ը:
ԶԼՄ-ների տեղեկություններով՝ այրվել է 6 երկաթուղային վագոն:
Հրդեհը դեռ չի հաջողվում մարել: Իրավիճակը բարդանում է նրանով, որ հրդեհի հետևանքով սկսել են պայթել վառելիքով լի տարաները, ու փրկարարները մտավախություն ունեն, որ կարող են հաջորդել նոր պայթյուններ:
Տեղեկություններ կան զոհերի մասին: Ինչպես հայտնել են իրավապահները, վթարի հետևանքով մահացել է բեռնատարի վարորդը:
Հրշեջները դիմել են տեղացիներին՝ կոչ անելով դուրս չգալ տներից ու չբացել պատուհանները, քանի որ թունավոր ծուխը կարող է վտանգավոր լինել մարդկանց համար:
