Վրաստանի ու Թուրքիայի նախագահները քննարկել են Բաքու-Թբիլիսի-Կարս երկաթուղային ճանապարհի նախագծի արագացման հարցերը
Թուքմենստան այցի շրջանակում Վրաստանի նախագահ Գեորգի Մարգվելաշվիլին հանդիպում է ունեցել Թուրքիայի նախագահ Ռեջեփ Թայիփ Էրդողանի հետ, հայտնում է «Գրուզիա օնլայնը»՝ հղում կատարելով Վրաստանի նախագահի ադմինիստրացիային:
Հանդիպմանը երկու երկրների նախագահները քննարկել են երկկողմ ու բազմակողմ համագործակցության հարցեր, թեմաներ՝ կապված Բաքու-Թբիլիսի-Կարս երկաթուղային ճանապարհի նախագծի արագացման, Արևելք-Արևմուտք տրանսպորտային միջանցքի գործարկման, կասպյան էներգակիրների հնարավոր փոխադրման հետ:
Վրաստանի նախագահի ադմինիստրացիայի տեղեկությամբ՝ կողմերը քննարկել են նաև տարածաշրջանային անվտանգության հարցեր:
