Փորձագետները կազմել են տղամարդկանց հագուստի 2015 թվականի ամենանորաձև տարրերը
Highsnobiety-ի նորաձևության մասնագետները կազմել են 2015թ. տղամարդկանց նորաձևության հիմնական տրենդները: Այդ մասին տեղեկությունը հրապարակվել է պարբերականի կայքում:
Արդյունքները ցուցադրում են, թե նորաձև ջենթլմեններն ինչ կոշիկ, զգեստ, ինչ գունային երանգների համադրությունների են նախապատվություն տալիս:
Առաջին տեղում են հայտնվել «չելսի» կիսաճտքավոր կոշիկները, որոնք տարածված էին 20-րդ դարի 60-ականներին ու կարողացան նորից վերադառնալ նորաձևության աշխարհ:
Հաջորդ տրենդը մարզահագուստն է՝ որպես առօրյա հագուստ, ինչպես նաև՝ կաշվե մարզակոշիկներն ու տղամարդկանց սպիտակ սնիքերները:
Տղամարդկանց նախընտրելի նորաձև գույներից փորձագետներն առանձնացրել են պաստելային, աչքի չընկնող գույները, հատկապես՝ կավագույնը, ավազագույնը, մարմնագույնը:
Փորձագետների ուշադրության կենտրոնում է հայտնվել նաև վարդագույնը, որը լայն տարածում է ստանում:
Ինչ վերաբերում է հագուստի ձևվածքին, ապա այստեղ ոճաբանները միաձայն խոստովանում են, որ գերիշխող է «պատառոտված« դենիմը՝ ծավալուն կարդիգանների, վերնաշապիկների ու սպիտակ մարզաշապիկների հետ:
