Սամվել Դարբինյանին առնչվող քրեական գործն ընտրական գործընթացներով պայմանավորված չէ
Վանաձորի քաղաքապետ Սամվել Դարբինյանին առնչվող քրեական գործն ընտրական գործընթացներով պայմանավորված չէ: Այս մասին այսօր լրագրողների հետ հանդիպման ընթացքում ասաց ՀՀ գլխավոր դատախազ Գևորգ Կոստանյանը:
«Ես հասկանում եմ, որ կարող է այդպիսի տպավորություն լինել, որ գործի հարուցումը պայմանավորված է ընտրական գործընթացներ հետ: Բայց ես ձեզ հավատացնում եմ, որ ոչ: Ինչո՞ւ: Հանցագործության մասին ցանկացած հաղորդումով քրեական գործ հարուցելու կամ հարուցելը մերժելու մասին որոշում պետք է կայացվի 10 օրվա ընթացքում: Այդ դեպքի կապակցությամբ հանցագործության մասին հաղորդումը ներկայացվել էր 10 օր առաջ: Հետևաբար երեկ՝ 10-օրյա ժամկետը լրանալու պահին, պետք է որոշում կայացվեր: Քրեական գործի հարուցումը կամ պետք է մերժեին, կամ քրեական գործը պետք է հարուցվեր: Հետևաբար՝ դա ընտրական գործընթացի հետ կապել կարող է՝ հիպոթետիկ առֆումով հնարավոր է, բայց ֆորմալ տեսակետից հիմք չկա»,- ասաց նա: Նա նշեց նաև, որ հանցագործության մասին հաղորդում ունենալու դեպքում ընթացքը լուծելուց հետո որոշում կկայացվի:
