Բենզեման մեկնաբանել է հավաքականից հեռացվելու որոշումը
Մադրիդի «Ռեալի» հարձակվող Քարիմ Բենզեման մեկնաբանել է Ֆրանսիայի ազգային հավաքականից իրեն հեռացնելու որոշումը:
Իր թվիթերյան էջում Բենզեման գրել է, որ հարգում է որոշումը և վստահում է Ֆրանսիայի ֆուտբոլի ֆեդերացիայի նախագահ Նոել Լե Գրեին:
Այս օրերին Բենզեման, հիմնականում, հրաժարվում է լրագրողների հարցերին պատասխանել, և սա միակ մեկնաբանությունն է, որ նա արել է:
Ավելի վաղ Լե Գրեն հայտարարել է Բենզեմային Եվրո-2016-ին չհրավիրելու որոշման մասին: Որոշումը կհաստատվեր, եթե «Լիոնի» կիսապաշտպան Մատյե Վալբուենային շանտաժի ենթարկելու գործում Բենզեման ճանաչվի մեղավոր: Ըստ Ֆրանսիայի ֆուտբոլի ֆեդերացիայի՝ այժմ որոշումը վերջնական է:
Սիրարփի Աղաբաբյան
