Գերմանիայում հարձակվել են փախստականներ տեղափոխող ավտոբուսի վրա
Երեկ երեկոյան Գերմանիայի Յանսդորֆ (Սաքսոնիա) քաղաքից ոչ հեռու 30 մարդ հարձակվել է փախստականներ տեղափոխող ավտոբուսի վրա: Այս մասին հայտնում է Bild-ը:
Պարբերականի տվյալով՝ այն բանից հետո, ինչ ավտոբուսն արգելափակվել է, անհայտ անձինք քարեր ու ճայթռուկներ են նետել ավտոբուսի վրա:
Հարձակման հետևանքով վիրավորվել է տրանսպորտային միջոցի վարորդը:
Պատահարից հետո փախստականների խմբին այլ բնակավայր են տեղափոխել: Իրավապահները գործ են հարուցել հասարակական կարգը խախտելու համար:
Տարեսկզբից Գերմանիայում իրականացվել է շուրջ 800 հարձակում փախստականների ապաստանների վրա:
