Ժնևում բարձրացվել է ահաբեկչական հարձակումների սպառնալիքների մակարդակը
Շվեյցարիայի ոստիկանությունը հայտարարել է Ժնևում ահաբեկչական հարձակումների սպառնալիքի մակարդակի բարձրացման մասին՝ կապված կասկածյալների հետապնդումների հետ, ովքեր կարող են առնչություն ունենալ Փարիզում նոյեմբերի 13-ին տեղի ունեցած հարձակումների հետ:
Ոստիկանության տվյալով՝ սպառնալիքի մակարդակի բարձրացման մասին որոշումը կայացվել է այն բանից հետո, երբ տեղեկություններ են հայտնվել այն մասին, թե կասկածյալները գտնվում են քաղաքի տարածքում:
Ինչպես ասվում է անվտանգության քաղաքային դեպարտամենտի հաղորդագրության մեջ, քաղաքի փողոցներում հսկողությունն ապահովում են ոստիկանության ուժեղացված խմբերը:
Reuters գործակալությունը, հղում կատարելով ՄԱԿ-ի կենտրոնակայանին, հայտնել է, որ Շվեյցարիայի իշխանությունները որոնում են Ժնևում 4 երիտասարդի, ովքեր կարող են առնչություն ունենալ Փարիզի ահաբեկչություններին:
