Իրաքի բնակիչը ամերիկյան վիճակախաղում 6,4 մլն դոլար է շահել
Իրաքում բնակվող տղամարդը 6,4 միլիոն դոլար է շահել ԱՄՆ-ի Օրեգոն նահանգի «Մեգաբաքս» վիճակախաղում, հայտնում է АР-ն:
Վիճակախաղի կազմակերպիչ ընկերության ներկայացուցիչը հայտնել է, որ հաղթողը դեկտեմբերի 1-ին ներկայացրել է վիճակախաղի իր տոմսը Օրեգոնի Սեյլեմ քաղաքում գտնվող ընկերության կենտրոնակայան:
Տղամարդը ցանկացել է իր շահած գումարն ստանալ ամենամյա վճարման եղանակով՝ 25 տարվա ընթացքում՝ 256 հազար դոլար վճարմամբ՝ առանց հարկերի հաշվարկման:
Ինչպես նշել են գործակալությունում, չնայած վիճակախաղի կազմակերպիչները արգելում են հաղթողներին անհայտ մնալ, սակայն տվյալ դեպքում տղամարդու խնդրանքը բավարարվել է ու նրա ինքնությունը չի բացահայտվի:
Ընկերության ներկայացուցիչների խոսքով՝ կազմակերպիչները նման քայլի են դիմել, քանի որ տղամարդը Իրաք վերադառնալու դեպքում անհանգստացել է իր սեփական կյանքի համար:
Իրաքցին երջանիկ տոմսը գնել էր այս տարվա օգոստոսի 24-ին:
