Բերդ-Այգեպար ավտոճանապարհին վարորդը մոլորվել է
Դեկտեմբերի 9-ին, ժամը 23.07-ին տեղեկություն է ստացվել, որ Բերդ-Այգեպար ավտոճանապարհի մոտակայքում ավտոմեքենան անտեսանելիության պատճառով դուրս է եկել ճանապարհի երթևեկելի հատվածից և արգելափակվել ցեխակույտում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հետադարձ կապով պարզվել է, որ ավտոմեքենայի վարորդը մոլորվել է:
Հրշեջ-փրկարարներն իրականացրել են որոնողափրկարարական աշխատանքներ: Ժամը 07.44-ին հրշեջ-փրկարարներն Այգեպար-Վերին Կարմիր Աղբյուր ավտոճանապարհի մոտակայքում հայտանբերել են ցեխակույտում արգելափակված «Օպել Աստրա» մակնիշի 34 DP 656 պետհամարանիշով ավտոմեքենան և վարորդ՝ 1995 թ. ծնված Հ. Ն.-ին:
Հրշեջ-փրկարարներն ավտոմեքենան դուրս են բերել արգելափակումից:
