Հերմինե Նաղդալյանին իր կուսակից ղեկավար այրերը նախատել են. «Հրապարակ»
«Հրապարակ» թերթը գրում է. «ԵԽԽՎ պատվիրակության նախնական զեկույցի պատճառով հայաստանյան պատվիրակությունը և հատկապես ՀՀԿ-ական ղեկավար Հերմինե Նաղդալյանը կրկին տհաճ իրավիճակում են հայտնվել։ Վերջինիս իր կուսակից ղեկավար այրերը նախատել են, որ նրան ոչ միայն չի հաջողվում կանխել ԵԽԽՎ-ի ադրբեջանամետ որոշումները, այլև, առհասարակ, «լեզու գտնել» եվրոպացի գործընկերների հետ։ Խորհրդարանի նրա գործընկերները երեկ կուլիսներում խոսում էին, որ տիկին Նաղդալյանը հավուր պատշաճի փաստեր ու ինֆորմացիա չի տրամադրել խորհրդարան այցելած եվրոպացի գործընկերներին, ինչն էլ, ըստ նրանց, պատճառ է դարձել նման խիստ զեկույցի։ Հիշեցնենք, որ ԵԽԽՎ դիտորդները հանրաքվեն համարել էին «քաղաքական շահագրգռություններով ուղղորդված»:
Ամբողջությամբ կարող եք կարդալ «Հրապարակ» թերթի այսօրվա համարում:
