«Ուրբաթ օրը վերջնախաղը չէ, նախավերջինն է». Րաֆֆի Հովհաննիսյան
«Նոր Հայաստան» հանրային փրկության ճակատի քաղխորհրդի անդամ Րաֆֆի Հովհաննիսյանն այսօր Ազատության հրապարակում կազմակերպված հերթական ասուլիսին ասաց, որ վաղը ժամը 13։00-ին Ազատության հրապարակից մեկնարկում է միասնական երթ` մարդու իրավունքների պաշտպանության միջազգային օրվան նվիրված. «Իսկ ուրբաթ օրը ժամը 17։00-ին, ով պահանջում է Սերժ Սարգսյանի ու իր հանցավոր կուսակցության հրաժարականը, թող ներկա լինի Ազատության հրապարակում։ Մենք չենք հաշվելու, մեզ համար որակն է կարևոր։ Ուրբաթ օրը վերջնախաղը չէ, նախավերջինն է»։
