Դերասան Անտոնիո Բանդերասը պաշտոնապես ամուսնալուծվել է կնոջից
Իսպանացի դերասան Անտոնիո Բանդերասը պաշտոնապես ամուսնալուծվել է կնոջից՝ հոլիվուդյան դերասանուհի Մելանի Գրիֆիթից: Ամուսնալուծության գործընթացը տևել էր գրեթե 1 տարի:
Հոլիվուդյան երբեմնի ամենահայտնի զույգը ոչ մի կերպ չէր կարողանում լուծել ֆինանսական հարցերը:
Արդյունքում՝ դերասանը համաձայնել է նախկին կնոջը որպես ալիմենտ ամսական վճարել 55 հազար դոլար իրենց համատեղ 18-ամյա դստեր համար, գրում է TASS-ը:
Դերասանուհին հավակնում էր ստանալ նաև Բանդերասի եկամուտների մի մասը, սակայն հայտնի չէ, թե արդյոք դա նրան հաջողվել է:
Հիշեցնենք, որ լուրերն այն մասին, որ Բանդերասի ու Գրիֆիթի հարաբերություններում ամեն ինչ չէ, որ հարթ են, վաղուց էին շրջանառվում:
Զույգի շրջապատում խոսում էին, թե կինը հոգնել է ամուսնու դավաճանություններից, իսկ ամուսինը՝ կնոջ ալկոհոլիզմի դեմ պայքարելուց:
2014 թվականի հունիսին Գրիֆիթը դատարան ամուսնալուծության հայց էր ներկայացրել:
