Իրանը գրեթե կրկնակի կրճատել է գազի արտահանումը Թուրքիա
Ինչպես հայտնում է Habertürk-ը, Իրանից Թուրքիա մատակարարվող բնական գազի մատակարարման ծավալները նվազել են 28-30 միլիոն քմ-ից՝ հասնելով 14-15 միլիոն խմ-ի:
Իրանը տեղի ունեցածը բացատրում է երկրի ներսում գազի սպառման ծավալների ավելացմամբ՝ կապված կտրուկ ցրտերի հետ:
Թերթը, սակայն, կարծում է, որ Իրանի այդ քայլը կապված է Ռուսաստանի ու Թուրքիայի լարված հարաբերությունների հետ: Իրանը այդ հարցում աջակցում է Ռուսաստանին:
Հոդվածում նաև նշվում է, որ ներկայում Թեհրանում ջերմաստիճանը նորմալ է՝ օդի ջերմաստիճանը 6-10 աստիճան է:
Նշենք, որ Թուրքիան ամեն տարի Իրանից գնում է 6 մլրդ խմ գազ, ինչը կազմում է Թուրքիայի կողմից ներկրվող գազի 18 տոկոսը:
Իրանը նախկինում ևս նվազեցրել է Թուրքիա գազամատակարարման ծավալները՝ բացատրելով սպառման ծավալների մեծացմամբ:
Թուրքիան,դրա հետ կապված, դիմել էր դատարան:
