Թուրքիայի ափերի մոտ ներգաղթյալներ տեղափոխող նավի խորտակման հետևանքով խեղդվել է 6 երեխա
Թուրքիայի ափերի մոտ խորտակվել է ներգաղթյալներ տեղափոխող նավ: Նավում գտնվող 6 երեխաները խեղդվել են: Այս մասին հայտնում է Associated Press-ը:
Դեռևս տեղեկություն չկա, թե քանի մարդ է եղել նավում:
Գործակալության տվյալով՝ առափնյա պահպանության աշխատակիցները կարողացել են փրկել 5 մարդու, մյուսները համարվում են անհետ կորած:
