Իրանում տարածվող գրիպի մահացու վիրուսը խլել է 30 մարդու կյանք
Իրանում տարածվող գրիպի վիրուսի նոր տեսակն արդեն խլել է 30 մարդու կյանք: Այս մասին Trend-ին հայտնել է իրանցի վիրուսաբան Ալի Շեխոֆտեխը:
Նրա խոսքով՝ գրիպի վիրուսը մշտապես մուտացիայի է ենթարկվում, ինչը հանգեցնում է նման վտանգավոր տեսակների ի հայտ գալուն:
«Գրիպի վիրուսը, որը ներկայում տարածվում է Իրանում, կարող է հանգեցնել սրտի ու թոքերի ախտահարման, հատկապես թույլ իմունիտետ ունեցող մարդկանց շրջանում»,- ասել է Շեխոֆտեխը:
Ավելի վաղ Իրանի առողջապահության նախարար Հասան Հաշեմի Գազիզադեն հայտնել է, թե վիրուսը տարածվում է Իրանի հարավարևելյան շրջաններում:
