Պուտինն ընդգրկվել է Time-ի «Տարվա մարդ» անվանակարգի «շորթ-լիստում»
Ամերիկյան Time ամսագիրը հրապարակել է «Տարվա մարդ» անվանակարգի թեկնածուների «շորթ-լիստը», որը բաղկացած է 8 կետից:
Համաշխարհային առաջնորներից այդ կոչման թեկնածու են դարձել Գերմանիայի կանցլեր Անգելա Մերկելը, ՌԴ նախագահ Վլադիմիր Պուտինը, Իրանի նախագահ Հասան Ռոուհանին: Եվս մի թեկնածու է դարձել գործարար Դոնալդ Թրամփը, ով հավակնում է ԱՄՆ նախագահի պաշտոնին:
Ցանկում ներառվել են Black Lives Matter շարժման ակտիվիստներ, որոնք պայքարում են աֆրոամերիկացիների իրավունքների համար, Uber ծառայության ղեկավար Թրևիս Կալանիկն ու սեռափոխության ենթարկված Քեյթլին Ջենները:
Ցանկում նշված է նաև ԴԱԻՇ-ի առաջնորդ Աբու Բաքր ալ-Բաղդադիի անունը:
