«Նոր Հայաստան»-ը վերադառնում է Ազատության հրապարակ
«Նոր Հայաստան» հանրային փրկության ճակատը որոշեց, այնուամենայնիվ վերադառնալ Ազատության հրապարակ, և այնտեղ սպասել ԿԸՀ-ի ներկայացուցչին: Երևանի փոխոստիկանապետ Վալերի Օսիպյանը հորդորեց նրանց՝ գործել օրենքի սահմաններում: «Մենք այստեղից շարժվում ենք դեպի Աբովյան փողոց, Հանրապետության հրապարակ, Ամիրյանով, Մաշտոցի պողոտայով՝ դեպի Ազատության հրապարակ»,- տեղեկացրեց Անդրիաս Ղուկասյանը: Վ. Օսիպյանն էլ հորդորեց հանգիստ, առանց աղմուկի շարունակել երթը:
