Րաֆֆի Հովհաննիսյանը՝ Վալերի Օսիպյանին. Ինչի՞ համար են այսքան զինված ոստիկանները եկել Ազատության հրապարակ
Քիչ առաջ Ազատության հրապարակում Երևանի փոխոստիկանապետ Վալերի Օսիպյանը և Րաֆֆի Հովհանինսյանը զրույց ունեցան։ Րաֆֆի Հովհաննիսյանը Վալերի Օսիպյանին հարցրեց, թե ինչի՞ համար են այսքան զինված ոստիկանները եկել Ազատության հրապարակ։ Օսիպյանը պատասխանեց, որ կանխարգելիչ աշխատանքներ են իրականանցնում, որ «արյան աղբյուր այս հրապարակում չպիտի լինի, քանի որ դուք ձեր հարցազրույցում խոսել եք նվազագույն արյուն թափելու մասին ինչն ընդհանրապես անթույլատրելի է և ասել եք, որ ոստիկանները մեր թշնամիներն են և ամեն ինչ պետք է լինի օրենքի դաշտում մենք պարտավոր ենք խաղաղ երթը ապահովել»։ Րաֆֆի Հովհաննիսյանն ասաց, որ իրենք չեն ասել ոստիկաններին թշնամի, այլ ասել են հակառակորդ։ Րաֆֆի Հովհաննիսյանն ասաց, որ իրենք ամեն ինչ անելու են խաղաղ երթը ապահովելու համար։
