Սեուլում վայրէջք կատարելիս կայծակը հարվածել է ռուսական А330 ինքնաթիռին
Սեուլի օդանավակայանում վայրէջք կատարելիս ռուսական А330 ինքնաթիռին կայծակ է հարվածել, հայտնում է Interfax-ը:
Այս մասին հայտնել է Սեուլի օդանավակայանում աղբյուրը:
«Ռուսական А330 ինքնաթիռը, որը չվերթ էր իրականացնում «Շերեմետևոյից» Սեուլ, վայրէջք կատարելիս ստացել է ստատիկ էլեկտրականության հարված: Անձնակազմին հաջողվել է բարեհաջող կերպով նստեցնել մեքենան Սեուլում»,- ասել է աղբյուրը:
Նախնական տեղեկություններով՝ դեպքի հետևանքով տուժածներ չկան:
Չնայած այն բանին, որ վնասվածք չի հայտնաբերվել, ինքնաթիռը ժամանակավորապես հեռացվել է թռիչքից:
