«Մանչեսթեր Յունայթեդի» նախկին ավագ Գարի Նևիլը գլխավորեց «Վալենսիան»
Անգլիացին գործի կանցնի դեկտեմբերի 6-ին: ««Վալենսիա» ֆուտբոլային ակումբը համաձայնության է հասել անգլիացի մարզիչ Գարի Նևիլի հետ` աշխատանքի կապակցութամբ: Նա կմարզի առաջին թիմը մինչև 2016թ. հունիսի 30-ը:
Նևիլը պաշտոնապես կանցնի իր պարտականությունների կատարմանը դեկտեմբերի 6-ին և կսկսի Չեմպիոնների լիգայի «Լիոնի» դեմ խաղի նախապատրաստումը»,- ասվում է հայտարարության մեջ` «Վալենսիայի» պաշտոնական կայքում:
«Ես շատ ուրախ և հպարտ եմ, որ ստացա նման շքեղ հնարավորություն «Վալենսիայում»: Դա մեծ ակումբ է, հեղինակավոր, և ես լավ հիշում եմ այն ժամանակներից, երբ ֆուտբոլիստ էի, նրա երկրպագուների հավատարմությունն ու կիրքը»,- ասել է Նևիլը:
Անգլիայի ֆուտբոլային ասոցիացիան հաղորդել է, որ Գարին կշարունակի աշխատել Անգլիայի հավաքականում` որպես Ռոյ Հոջսոնի օգնական:
Պատրաստեց Անի Գաբուզյանը
