Ֆրանսիայի վարչապետը ցանկանում է, որ Բենզեմային հեռացնեն հավաքականից
Ֆրանսիայի վարչապետ Մանուել Վալսը հայտարարել է, որ Ֆրանսիայի ազգային հավաքականի և Մադրիդի «Ռեալի» հարձակվող Քարիմ Բենզեման, ում մեղադրում են Մաթյո Վալբուենային շանտաժ անելու մեջ, պետք է հեռացվի ազգային հավաքականից:
Նա նշել է, որ եթե ինքը հայտնվեր նման իրավիճակում, միանգամից հրաժարական կտար:
«Մեր ազգային հավաքականի ֆուտբոլիստները շատերի համար օրինակ են ծառայում: Եթե խաղացողը չի կարողանում իրեն կառավարել, ապա հավաքականը նրա տեղը չէ»,- նշել է Վալսը:
Հիշեցնենք, որ Բենզեման չի մասնակցել հավաքականի վերջին խաղին, իսկ մադրիդյան ակումբի խաղերում ֆուտբոլիստը ներգրավված է ամբողջությամբ:
Սիրարփի Աղաբաբյան
