Րաֆֆի Հովհաննիսյանի պատասխան կոչը՝ Վլադիմիր Գասպարյանին
Քիչ առաջ «Ազատություն» ռադիոկայանի հետ զրույցում «Ժառանգություն» կուսակցության նախագահ Րաֆֆի Հովհաննիսյանը հայտնեց, որ իրենք վերադառնում են Ազատության հրապարակ, այնտեղ «կվերակազմավորվեն, կլինեն ելույթներ, ու կլինեն երկարատև և կարճաժամկետ քայլեր՝ նստացույցեր, ցույցեր, եթեր և պայքարի այլ եղանակներ»:
«Պարոն Գասպարյանին կոչ եմ անում՝ ամեն մեկը թող իր գործի մեջ լինի, դուք ևս սթափ եղեք, ձեր ղեկավրութունն էլ սթափ լինի, փոքր երկիր ենք, բայց մեզ մի սպառնացեք, սթափության կոչեր մեզ մի արեք: Դադարեցրեք կուսակցապետության ձեր պաշտապանությունը: Ոստիկանությունն այսօր ցույց տվեց, որ ինքը կուսակցության շահն է պաշտպանում՝ թույլ չտալով մեզ մոտենալ ՀՀԿ-ի շենքին: Չգիտեմ՝ Աշոտ Նավասարդյանը ուրիշ տեղից ՞ինչ է մտածում»,- հայտարարեց Ր. Հովհաննիսյանը:
