Իրանը առաջարկել է Բելառուսին հիմնել ծխախոտի համատեղ արտադրություն
Ծխախոտային արտադրատեսակների պլանավորման ու վերահսկողության իրանական կենտրոնը բանակցություններ է վարում բելառուսական ընկերությունների հետ Իրանում ծխախոտ արտադրելու շուրջ: Այդ մասին հայտնում է Trend-ը՝ հղում կատարելով Իրանի առևտրի նախարարության կայքին:
Հաղորդագրության մեջ նշվում է, որ Թեհրանում Բելառուսի դեսպանության առևտրային կցորդ Դմիտրի Կալչովի հետ հանդիպման ընթացքում Ծխախոտային արտադրատեսակների պլանավորման ու վերահսկողության իրանական կենտրոնի ղեկավար Ալի Ասղար Ռամզին առաջարկել է բելառուսական ծխախոտային ընկերություններին օգտագործել Իրանի հնարավորություններն ու հիմնել ծխախոտային արտադրատեսակների համատեղ արտադրություն:
2016թ. մարտին Իրանը պլանավորում է արտադրել մոտ 10 մլրդ ծխախոտ իր օրիգինալ բրենդների ներքո, այլ ոչ թե դրանք ներկրել, ասել է Ռամզին:
